هەواڵ

شێعری ئەلیاس عەلەوی/و:حوسێن جەوانشیر

photo_2015-08-30_00-17-37

خوا کا…

شێعری ئەلیاس عەلەوی،شاعیری ئەفغان

وەرگێڕ:حوسێن جەوانشیر

 

خوا کا ترێکان بگەنێ

جیهان مەست بێ

لارەولار بڕۆن شەقامەکان

سەرۆک کۆمار و سواڵکەران

شانیان لە شانی یەک بخشێ

سنوورەکان مەست بن

حەمەعەلی دوای هەڤدەساڵ

دایکی ببینێ و

ئامینە دوای هەڤدە ساڵ

لۆچی لەشی کۆرپەکەی دابێنێ

 

خوا کا ترێکان بگەنێ

ئاموو کوڕە جوانکیلەکانی هەڵبێنێتەوە

هیندوکۆش کیژۆڵانی ڕزگار بکا و

بۆساتێ

چەکەکان لەبیریان چێ بدڕن

کارتەکان لەبیریان چێ

ببڕن

قەڵەمەکان ئاگر

بەئاگربڕ بنووسن.

 

خوا کا کێوەکان پێک بگەن

دەریا پڕ باوێتە ئاسمان و

مانگی بدزێ

پڵنگ و ئاسک پێکەوە لە مەیخانە کەون.

 

خوا کا مەستی گش شتەکان بتەنێ

پەنجەرەکان

دیوارەکان بشکێنن و

تۆ

ئەودەمەی توند دڵدارەکەت ماچ دەکەی

بیرێکیشت هەر لای من بێ.

خۆشەویستم

خۆشەویستە دوورکەوتوەکەم

پیاڵەیەکی ترم لەگەڵ هەڵباوێ

بەخۆشی ڕەزە سەرەونخوونەکانی ترێ.

انتشار توسط 8 تم

یەک بۆچوون

  1. زۆر جوان بوو ئه گه ر ترێ بکه نێ دنیا ئه وە نده بگۆرێ دڵ هه ر کوردێ سارێژ ئه بێ به ڵام خۆمان چۆن به ئاستی که نین بگه ین؟ نازانم
    هه ر پیرۆز بن

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. *

*

*

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>