هەواڵ

کۆڕێک بۆ خوێندنه‌وە و لێکدانه‌وەی شێعرەکانی یوونس رەزایی به‌ڕێوە دەچێ

yones rezayee

ئەنجومەنی ئەدەبیی بۆکان پینجەمین دانیشتن لە زنجیرەدانیشتنەکانی پاییزی ۹۴ی تەرخان کردووە بۆ خوێندنەوە و لێکدانەوەی بەرهەمەکانی شاعیری بۆکانی ، رێزدار یوونس رەزایی. وتاربێژانی ئەم کۆڕە بریتین لە بەڕێزان د.رەهبەر مەحموودزادە، د.محەمەد رەحیمیان ، ئەحمەد چاک. ئەم دانیشتنه رۆژی پێنجشنەممه ۱۴ی خەزەڵوەر کاتژمێر ۴ تا ۶ی ئێوارە لە ژووری ئەنجومەنی ئەدەبیی بۆکان هەڵکەوتوو لە بینای ئیدارەی ئیرشاد (ساڵۆنی سیمۆرغ) بەڕێوە دەچێ.

جێی ئاماژەیه هەموو هۆگرانی ئەدەبیات دەتوانن لە دانیشتنەکانی ئەنجومەنی ئەدەبیی بۆکاندا بەشداری بکەن.

کورتەیەک لە ژیاننامه و بەرهەمەکانی یوونس رەزایی

11911573_894405447311860_731731501_n

یوونس ره‌زایی شاعیر و نووسه‌ری بۆکانییه‌. بیست ساڵ زیاتره‌ خه‌ریکی نووسینه‌. لیسانسی ته‌کنۆلۆژیای په‌روه‌رده‌ و ماسته‌ری زانسته‌ سیاسیه‌کانی وه‌رگرتووه‌. یه‌که‌م به‌رهه‌می له‌ گۆڤاری فارسی “ادبستان” دا بڵاو کراوه‌ته‌وه‌. له‌ ساڵی ۱۳۷۳ به‌و لاوه‌ شێعر و چیرۆکی له‌ گۆڤاره‌ کوردییه‌کان‌دا بڵاو بۆته‌وه‌. سه‌رنووسه‌ری گۆڤاری “زایه‌ڵه” و پاشان سه‌رنووسه‌ری گۆڤاری “په‌یژه”‌ بووه‌. پێنج ساڵ و ۵۴ ژوماره‌ ئه‌ندامی ده‌سته‌ی نووسه‌رانی “گۆڤاری سروه”‌ بووه‌. سێ ژوماره‌ ئه‌ندامه‌نی ده‌سته‌ی نووسه‌رانی “گۆڤاری رۆچنه”‌ بووه‌. ئه‌ندام و هاوکاری “بنکه‌ی ئینسایکلۆپیدیای چیرۆکه‌کانی ئێران”ی بووه‌ و له‌ بواری وه‌رگێڕان و شرۆڤه‌ی ساختاریی چیرۆکه‌ کوردییه‌کاندا هاوکاریی ئه‌و بنه‌که‌یه‌ی کردووه‌. یه‌که‌م ئه‌زموونه‌کانی شێعری به‌ غه‌زه‌له‌وه‌ ده‌ست پێکرد و دواتر رووی کرده‌ شێعری نوێ و له‌ ئاکام‌دا شێوازی شێعری شێت-ی بنیات نا که‌ حه‌ولێک بوو بۆ خستنه‌ رووی ئه‌زموونێکی نوێ له‌ زمان و فۆڕم له‌ شێعری کوردی‌دا و تا ئێستا چه‌ندین وتار و توێژینه‌وه‌ی له‌ سه‌ر نووسراوه‌. ئه‌و ئه‌زموونه‌ شێعرییه‌ به‌ زمانه‌کانی دیکه‌ش وه‌رگێڕداروه‌. تا ئێستا سێ کتێب له‌و‌ شێعرانه‌ له‌ لایه‌ن سێ وه‌رگێڕه‌وه‌ به‌ زمانی فارسی وه‌رگێڕدراوه‌. ره‌زا که‌ریم موجاور، عه‌تا جه‌ماڵی و ئاره‌ش سه‌نجابی و محه‌مه‌د بایه‌زیدی شێعره‌کانی ئه‌و شاعیره‌یان کردووه‌ته‌ فارسی. کۆمه‌ڵێکیان له‌ لایه‌ن دکتۆر عه‌بدووڵا تاهیر به‌رزه‌نجییه‌وه‌ وه‌رگێڕاونه‌ته‌ سه‌ر زمانی عه‌ڕه‌بی. کتێبێک به‌ ناوی “ئاتیشدان قایق چلیک” له‌و شێعرانه‌ به‌ زمانی تورکی ئیستانبووڵی وه‌رگێڕدراوه‌.

تا ئێستا ئه‌و کتێبانه‌ی بڵاو کردووه‌ته‌وه‌:

۱- کتێبی شێعری “شینترین به‌تاڵ”- ئینتشاراتی عابید-تاران

۲- کتێبی شێعری “منم شاعیری ژنانی چاوه‌ڕوان”- ئینتشاراتی ئاراس- هه‌ولێر

۳- کتێبێ چیرۆکی منداڵان “دێوی مه‌نجه‌ڵ به‌ سه‌ر”- ئینتشاراتی کانون پرورش فکری کودکان و نوجوانان-تاران

۴- کتێبێ چیرۆکی منداڵان “هه‌نگاوی یازده‌هه‌م” ئینتشاراتی کانون پرورش فکری کودکان و نوجوانان-تاران

۵- کتێبی چیرۆکی منداڵان “مامه‌ میاو”- ئینتشاراتی کوله‌‌پشتی-تاران

ئه‌و کتێبانه‌شی ئاماده‌ی چاپن:

۱- به‌جیهانی‌بوون و کاریگه‌ری له‌ سه‌ر سازده‌رکانی شوناسی نه‌ته‌وه‌یی- توێژینه‌وه‌ی سیاسی

۲- هه‌ڵفڕینی په‌نجه‌ره‌کان-شێعر

۳- پشکووتن له‌ بادا-لێکدانه‌وه‌ و وه‌رگێڕانی شێعری جیهان

۴- تامی مه‌رگ- وه‌رگێڕان و ره‌خنه‌ی چیرۆکی چیرۆکنووسانی جیهانی

۵- کلیلێک له‌ گیرفانی دێودا- چیرۆکی منداڵان

۶- کایه‌ له‌گه‌ڵ مانگ- شێعری منداڵان

انتشار توسط 8 تم

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. *

*

*

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>