هەواڵ

شێعرێکی سەعدوڵڵا نووری

سەعدوڵلا نووری

کوشتنی جوانییەکان *

ساڵانێ بوو پێم وتبووى

لە شیعرێکدا :

(ئەوەى لێتەوە دیارەو دەیانبینی

پەتایێکە

بەسووتانی بست بە بستی جەستە نەبێ

گیانمان لێی پاک نابێتەوە !)

کەوابوو چاوەڕوانی چی ؟

لەم وڵاتە لەخەم خنکاوەدا

دەستبەردارى ئەوخەونە نەزۆکانە بە…

نیوەشەوان خەو لەچاوى چی بوونەوەرە دەهەڕمێنن

تەمەن لەپێناو چیدا بەڕێدەکەى

دەڤەرێک تژی بێ لە :

– خنکانی هەناسە گوڵاوییەکان

– دارکاریکردنی ڕۆحی پەپوولە

– بەرد بارانکردنی بەرائەتی مێیینە !

لە بەهارى ئێرە دەپرسی ؟

تەماشاى بێمانایی گەرمایی شەقام و ،

هەڕاجخانەى بیرەخەساوەکانی کوڕى نیشتمان کە

تێدەگەى

چەندە حەزو بوونی ئێمە

نوقمی تراژیدیاو باوەشێک هەڵوەرینە

دەمویست تەنیا باس لەجوانی و

سەردەرهێنانی چرۆکان کەم

خەتی ڕاست وچەپیان کێشا بەسەرچیرۆکی

فێربوون ..

داهێنان ..

وریابوونەوە !

ئێرە گوفەکێکە لە لێکدانەوەى سەقەت ، سڕینەوە ، ڕەشەکوژى !

چاوەڕوانی چی ؟

بمێنییەوە.. هەستەکانت لەڕەگەوە دەقرتێنن

لەزەڵکاوى هەوەس هەڵدەکێشن

لەش و لارى بلوورینت !

لەچی ڕاماى ؟

پیاسە باراناوییەکانی ئەم سەرلەئێوارەیە

دەمانکێشێتە نێوکۆڵانە بزربووەکانی گەڕەکی ژان

وریا نەبین

دەستی نەیار

لەبینەقاقاى ئەو جوانیانەى بۆى دەگەڕێین

گیردەبێت و

ئیدى بۆهەتایە

کونجێک بەدى ناکەین بۆحەسانەوەى

دەستپێکردنەوەى سەفەرێک !!

 

هەولێر ۲۰۰۸   – سعدالله نورى

انتشار توسط 8 تم

بۆچوون بنووسە

ئیمەیلەکەتان نیشان نادرێت.خانە داواکراوەکان نیشانە کراون. *

*

*

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>